همسة ريد

قالوا شاعر وماني شاعر للقصيد
لكني شاعر بالحسرة والندم الشديد
فيها كم كانت غنيوة ريد
كل حباً ليه عيد وكل نفساً ليها سيد

لوتعرف يازمن غلاوة الريد
ماكان بتتشابك مع الايام اصابع الايد
وماكان بيتعذب زولاً يحب النيل
وفي دنياه اصلوا زهيد
وماكان بيتوجع قلباً خفيف ورهيف
بكلمة حلوة يربط يحل القيد
الزمن الاصم عمرو مابيرحم
جدد الاحزان وحرم مني كل جديد
كم محب ولهان وكم حبيب ومريد
طالبين ايديك والله يكرم السامعين
خاني قصر الايد
وبين العشاق حكم الزمن خسرتا
في لمحة بصر اصلوا حظي عنيد
بين قلب وقلب همسة ريد
بين شاعر وشاعركلمة تزيد
قالوا شاعر وماني شاعر للقصيد