نغيمة الفال

]
بين ساسك وراسك مكتوبة قصيدة
خصل الليل الجات تندلة تعانق جيدة جاية تصابح
لاقت نونك اشرق وضوة
قصدتا عيوناً قالوا كحيلة فيها كم مسحورة قلوب
وكم قاتلالا قبيلة
قول يالله
دي نغيمة صوتا بتسحر خليك من بسمة عريضة
وقواماً مابيتوصف مع سمارة لونو مخلوقة فريدة
قول يالله
تقدل وتقدل ياخلق الله خطيوة عجيبة
قلمي اتحير في مين بيكتب تأوق وشأور وكانت
ألف إجابة بتوصف في وعاً مزمن بإسم الحب
وجع القلب السواها رفيقة في درباً مشوارو
الميل بيساوي البوصة
قول يالله
السمحة رفيقة الدرب اليوماتي الليلة بعيدة
شن جدة عليها
وجع القلب الديمة بريدا لافكر يوم ينساها
لاقال اشوف لي بديلة
شن جدة عليها
طعم الضحكة اتغير وبقت العين الكاحلة سهيدة
ونغيمة الفأل البيها تدندن بقت الليلة نقيضة
قول يالله
القسمة شيتاً منزل مافي مفر الزهرة بتدي
النحلة رحيقا
والمطر الكان بتنزل ينشف ريقا
والناس الكان بتسرح يبقى تحت أرض الله
غميدة
كلو زوال تراها القسمة بتبسط إيدة
قول يالله
لوالحب اتبدل يبقى الحب في الله
ولو شهادة الحب بتقبل ياني يوماتي شهيدة